கொஞ்சம் சிரிங்க.. தப்பில்லை!
எனக்கு கொஞ்ச நாளா வலது கண் மங்கலா தெரிய ஆரம்பிச்சுது. அப்பா கிட்ட கேட்டேன். " டாக்டரை போய் பாரு!" என்றார்.
"போய் பார்த்தேன் அப்பா! அவரும் மங்கலாத்தான் தெரியராரு!"--
"நீ உருப்படமாட்டே!"....
மறு நாள் டாக்டரிடம் போவதற்காக பஸ் ஏறினேன்.
"கண்டக்டர்! இந்த பஸ் எவ்வளவு தூரம் போகும்? "---
"டீசல் இருக்கற வர ஓடும்! ஆமாம், நீ எங்கே இறங்கணும்? "---
"படிக்கட்டு வழியாதான்!"
ஒரு வழியா டாக்டர் வீடு வந்து சேர்ந்தேன். அறையினுள் நுழைந்தேன்.
"டாக்டர்! கொஞ்ச நாளா என் வலது கண் மங்கலா தெரியறது!" ---
"sorry! நான் வக்கீல்! பக்கத்து ரூம் போங்கோ! அங்கேதான் டாக்டர் இருக்கார்!"
பக்கத்து ரூம் போனேன். கதவை தட்டினேன். கதவை திறந்த டாக்டர்
"என்ன, எல்லாரும் இப்படி கும்பலா நின்னா எப்படி? எல்லோரும் Q வரிசையில் வாங்கோ!"---
திரும்பி பார்த்தேன். நான் ஒருத்தன் தான் நின்னுண்டு இருக்கேன்!
"டாக்டர்!சரியா பாருங்கோ! நான் ஒருத்தன் தான் நின்னுண்டு இருக்கேன்!"--
டாக்டர்! கண்ணாடியை கழற்றி பார்த்தார். " ஆமாம், சர்தான்! நீ உள்ளே வா!"
உள்ளே போனேன். "அந்த chair லே உக்காரு!" உட்கார்ந்தேன்.
"எழுந்துரு! அது என் chair!"---" என்ன கம்பளைண்ட்? "----
"ஸார்! கொஞ்ச நாளா வலது கண் மங்கலா தெரியறது!"---
" சரி, இந்த எழுத்தை படி!"---
"எழுத்து எங்கே ஸார் இருக்கு? "--
"அந்த போர்டு லே இருக்கு!"--
"Board எங்கே ஸார் இருக்கு? "---
"அதோ அந்த சுவத்துல!"---
" சுவர் எங்கே இருக்கு ஸார்"---
"சர்தான்! முத்தின கேஸ் தான்!ஆபரேஷன் பண்ண வேண்டியது தான்!
நீ போய் நான் எழுதி கொடுக்கிற மருந்தேல்லாம் வாங்கிண்டு வா!"-
அவர் கொடுத்த சீட்டை வாங்கிக்கொண்டு மருந்தேல்லாம் வாங்கி வந்தேன்.
" டாக்டர்!! நீங்க கடைசியா எழுதிக்கொடுத்த மருந்து எந்த பார்மசி யிலும் கிடைக்கவில்லை,!"--
"அதுவா? நான் பேனா சரியா எழுதறதா ன்னு பார்க்க கிறுக்கினது!"----
ஒரு வழியா ஆபரேஷன் முடிந்தது. டாக்டர் ஒரு அசட்டு சிரிப்போடு
"சாரி!ஒரு தப்பு நடந்து போச்சு!வலது கண்ணுக்கு பதிலா இடது கண்ணை ஆபரேஷன் பண்ணிட்டேன்!"--
"ஸார்! உங்கள பத்தி நன்னா தெரிஞ்சுண்டுதான் நான் மாத்தி சொன்னேன். எனக்கு நிஜமா இடது கண் தான் trouble!" -----
வீட்டிற்கு வந்தேன். "ஜானகி! நான் ஆபரேஷன் பண்ணிண்டாச்சு. கண்ணு இப்போ நன்னா தெரியறது!"----
" நான் உங்க ஜானகி இல்லை! உங்க வீடு அடுத்த தெருல இருக்கு!"
No comments :
Post a Comment